రానా...,రా..నా..
అంటూ
ఆకాశం మాటున...
నీలి గాలుల వెనుక నీ రూపం
నా మనసుతో దోబూచులాడుతోంది
ఇలలో కాకున్నా కలలో అయినా
కంటి నిండా కనిపించ వచ్చుగా
ఇనుప తలుపుల వెనుక నీవూ
ముళ్ళ కంచెల నడుమ నేనూ...
...ఎప్పుడైనా నువ్విటువైపు వస్తే ...
వస్తే....
నీకు కనిపించాలని ఉన్నచోటనే అందమైన పువ్వై పూచాను
నువ్వు నా దగ్గరకు వచ్చేటప్పుడు...
ఈ ముళ్ళు నీకు గుచ్చ్చుకోకూడదని
నా సుతి మెత్తని పూరేకుల అరచేతులను పరచి వేచి ఉన్నాను
గాలి... నువ్వొచ్చే పరిమళ సంకేతాలను మోసుకొస్తుందేమోనని
నిదురించే రెప్పల వెనుక కూడా స్వప్నాన్నై ఎదురు చూస్తున్నాను....
రానా..., రానా అని కాదు వచ్చెయ్యి ప్రియా
No comments:
Post a Comment